婴儿饺子馅做法

材料：水餃皮：中筋麵粉，水 水餃餡料：娃娃菜，白菜仔，豬肉 水餃皮做法：1. 先張麵粉倒入碗中 （小妹用咗約120g麵粉），然後中間留一個空洞 2. 喺空洞加入約60ml 水（要逐少慢慢加） 3. 再搓混，以唔黏手為準 4. 用蓋蓋好，放室溫約15-20分鐘，可以令麵團吸收更多水分，變得更柔軟 5. 跟著用木棒碌平，碌之前，要喺墊、木棒，麵團上面再灑少少麵粉 6. 再用圓形模吸成一個一個（因為小妹整bb size 超迷你水餃，所以小妹用奶樽口作模） 水餃餡料做法：1. 先將娃娃菜同白菜仔烚淋 2. 瀝乾水後切粒 3. 加入已剁好嘅豬肉（份量約是1.5份菜加1份豬肉） 水餃皮同餡料預備好之後就可以開始包啦！ 超迷你水餃  包好之後就可以烚熟，因為本身水餃無加任何調味料，所以小妹烚熟之後就再淋上雜菜湯 小貼士：1. 千祈唔好過分搓d皮，如果起筋會好韌2. 可加入高筋麵粉做水餃皮，增加柔軟度3. 因為娃娃菜本身水分重，所以一定要瀝乾，否則餡料會水汪汪4. 水餃皮儘量碌薄d，皮太厚，會硬身，bb會好難咬